Opnun listasýningar Anna Kristín Guðmundsdóttir | Landslag/Faðmlag II

Ykkur er boðið á opnun sýningarinnar LANDSLAG/FAÐMLAG II laugardaginn 1. nóvember kl. 14:00 - 16:00 í Menningarhúsinu Bergi.

LANDSLAG/FAÐMLAG II er upplifunar- og listasýning eftir Önnu Kristínu, landslagsarkitekt, sem vekur athygli á mikilvægi landslags fyrir byggðaþróun og lýðheilsu. Listaverkin eru táknræn túlkun á hvernig landslagið er sviðsmynd sem umlykur daglegt líf okkar – líkt og faðmlag.

Á sýningunni má sjá hlý og mjúk teppi með myndum af landslagi Dalvíkurbyggðar, unnin úr 10 ára safni Önnu Kristínar. Teppin mynda hóla og skúlptúra í sýningarsalnum og skapa fjölbreytta upplifun fyrir alla aldurshópa. Með þessu er landslagið dregið inn í sýningarrýmið á leikandi og áhugaverðan hátt.

Sýningin er framhald fyrri sýningar sem haldin var í Bergi í ágúst 2024. LANDSLAG/FAÐMLAG er hluti af fjölbreyttum verkefnum sem Anna Kristín vinnur undir heitinu OKKARHEIMA og endurspegla ástríðu hennar fyrir að efla sýnileika landslagsarkitektúrs. Samhliða fyrri sýningu hélt hún listasmiðju um fagið og árið 2023 stóð hún fyrir verkefninu „Bæjarrými í Dalvíkurbyggð“, þar sem þrír nemar í landslagsarkitektúr hönnuðu og settu upp tímabundnar lausnir á miðsvæðum þéttbýlisstaða sveitarfélagsins. Áður vann hún verkefnið „Samfélagsmiðlar – tækifæri fyrir aðdráttarafl svæða“, sem fjallar um áhrif hönnunarþátta og samfélagsmiðla á aðdráttarafl svæða.

Sýningin er styrkt af Menningar- og viðurkenningarsjóði Dalvíkurbyggðar.

You may also like the following events from Menningarhúsið Berg:

• This Sunday, 19th October, 11:00 am, Jóga og sjálfsstyrking (1/5) in Akureyri
• Next Tuesday, 21st October, 01:00 pm, Haustföndur í haustfríi á bókasafninu in Akureyri
• Next Friday, 24th October, 08:00 pm, Kvikmyndasýning: WOMEN & THE WIND in Akureyri